Станислав Черчесов: Бизни текшираверишларидан чарчадик, бизга допинг керак эмас
- 9-октябр 2018, 16:40
- Baxtiyorjon Toshtemirov
- 0
- Футбол
Россия терма жамоаси бош мураббийи Станислав Черчесов нега футболда бошқа спорт турларидан фарқли равишда допинг деярли учрамаслигини айтди.
“Фақат бир кун ўзини яхши кўрсатиши керак бўлган спорт турлари мавжуд. Бизда эса ҳар доим ўйинлар ва машғулотлар давом этади. Бизни ҳар сафар текшираверишди. Биз бундан чарчадик. Биз допингга муҳтож эмасмиз, чунки футболда югуриш ва сакрашдан ташқари жуда кўп таркибий қисмлар мавжуд. Масалан спринтер 100 метрга югуришини аниқ билади, футболчи эса югуриш билан бирга шерикларига пас ҳам бериши керак, вақтида бўш зонада очилиши керак, майдондаги футболчилар ўзаро бир-бирини тушуниши керак. Шунинг учун ҳам бизда допинг йўқ”, - дейди тажрибали мутахассис.
Эслатиб ўтамиз, Россия ўз майдонида ўтган мундиалда чорак финалга қадар етиб бора олган эди.