"Реал" скаутлари Эдин Жекони кузатишмоқда

Римнинг "Рома" клуби форварди Эдин Жеко "Реал" Мадриднинг қизиқишлар доирасига кириб қолди.

Football-Italia нашри тарқатган хабарга кўра “қироллик клуби” скаутлари кеча Испания – Босния ва Герцеговина терма жамоалари ўртасидаги ўртоқлик учрашувида 32 ёшли босниялик футболчининг ҳаракатларини кузатиб боришган.

Маълумот учун, Жеко “Рома” сафида 2016 йилдан буён тўп суриб келмоқда. У жорий мавсум А Серияда жами 11та ўйинда майдонга тушди ва ўз ҳисобига 2та гол ҳамда 2та голли узатма ёздириб қўйишга эришди.