Осиё кубоги-2019. А гуруҳидан қайси жамоалар плей-оффга чиқди?

Мусобақа мезбонлари - БАА терма жамоаси сўнгги турда Таиланд билан 1:1 ҳисобида дуранг  ўйнади ва ўз очколари сонини 5 тага етказган ҳолда гуруҳда биринчи ўринни эгаллаб, плей-оффга чиқди.

Таиланд эса гарчи илк турда Ҳиндистонга 1:4 ҳисобида имкониятни бой берган бўлсада, якунда 4 очко билан 2-ўринни эгаллади ва улар ҳам 1/8 финал йўлланмасига эга чиқишди.

Илк турда йирик ғалабани қўлга киритган Ҳиндистон эса Баҳрайнга қарши кечган ўйиннинг сўнгги дақиқаларида пенальтидан гол ўтказиб юбориб,  якунда 3 очко билан гуруҳда сўнгги бўлди. 4 очкога эга чиққан Баҳрайн эса 2004 йилги қитъа биринчилигидан буён илк марта гуруҳдан чиқишди.