Месси ва Умтити "Бетис"га қарши ўйин қайдномасига киритилди, Дембеле ва Коутиньо эса йўқ

Каталониянинг “Барселона” клуби Ла Лиганинг 12-туридан ўрин олган “Бетис”га қарши баҳсда иштирок этиши мумкин бўлган футболчилардан иборат қайдномани эълон қилди.

Эътиборлиси, ушбу қайдномадан жароҳати сабаб бундан аввалги бир нечта учрашувларни ўтказиб юборган Лионель Месси ва Самюэль Умтитилар жой олишди.

Бироқ, жамоанинг франциялик вингери Усмон Дембеле ошқозони билан боғлиқ муаммолар сабаб “Бетис”га қарши баҳсда иштирок этмайдиган бўлди. Шунингдек, қайдномага Томас Вермален, Сержи Сампер ва Филиппе Коутиньо каби футболчилар ҳам киритилмади.

Дарвозабонлар: Марк-Андре тер Стеген, Яспер Силлессен;

Ҳимоячилар: Нелсон Семеду, Самюэль Умтити, Жерар Пике, Клеман Лангле, Жорди Альба;

Ярим ҳимоячилар: Иван Ракитич, Серджи Бускетс, Денис Суарес, Артур, Рафинья Алькантара, Сержи Роберто, Артуро Видаль, Карлес Аленья;

Ҳужумчилар: Луис Суарес, Лионель Месси, Малком, Мунир Эль-Хаддади.

Эслатиб ўтамиз, "Барселона" - "Бетис" баҳси эртага Тошкент вақти билан соат 20:15да бошланади.