Кавани ва Верратти МЮга қарши ўйинни ўтказиб юбориши мумкин
- 10-феврал 2019, 15:05
- Shahobiddin
- 4
- Футбол
ПСЖ бош мураббийи Томас Тухель “Бордо”га қарши Франция чемпионати 24-тур баҳсидан сўнг ўтказилган матбуот анжуманида ҳужумчи Эдинсон Кавани ва ярим ҳимоячи Марко Верратти ЕЧЛ турнири доирасида “Манчестер Юнайтед”га қарши ўйинни ўтказиб юборишлари мумкинлигини айтиб ўтишди.
Верратти чап оёғидаги жароҳати сабабли ПСЖнинг бир нечта ўйинларида майдонга туша олмаган, бироқ “Бордо”га қарши баҳсда 59 дақиқа ҳаракат қилган.
Кавани эса бу баҳсда белидан жароҳат олган. Ҳужумчи биринчи бўлимни тўлиқ ўтказди, бироқ танаффусдан кейин унинг ўрнига Килиан Мбаппе майдонга тушди.
Эслатиб ўтамиз, “Манчестер Юнайтед”га қарши иккита ўйинни ПСЖ етакчиси Неймар жароҳати сабабли ўтказиб юбориши аниқ бўлган.
МЮга қарши ЕЧЛ 1/8 финал биринчи ўйин Манчестер шаҳрида 12 феврал куни бўлиб ўтса, жавоб баҳси 6 март куни Парижда бўлиб ўтади.