Карвахаль: Лопетеги - фаолиятимдаги энг яхши мураббий
- 5-ноябр 2018, 22:58
- Baxtiyorjon Toshtemirov
- 0
- Футбол
Мадриднинг "Реал" клуби ҳимоячиси Даниэль Карвахаль жамоанинг собиқ устози Хулен Лопетегини ўзи билан бирга ишлаган энг зўр мураббий эканини айтди.
“Лопетеги мен учун шу кунгача бўлган фаолиятимдаги энг яхши мураббий эди. Афсуски омад ундан юз ўгирди ва биз билан бирга ишни давом эттира олмади.
Унинг футболга бўлган нуқтаи назари, жамоани бошқариш усуллари ва футболчилар билан муносабатлари менга жуда ҳам ёқарди. Мен бу ҳақда Лопетеги “Реал”га келишидан аввал ҳам айтганман, ҳозир ҳам ва бундан кейин ҳам айтаман”, - дейди иқтидорли ҳимоячи.
Эслатиб ўтамиз, Лопетеги 137 кунлик фаолиятидан сўнг “Реал”дан истеъфога чиқарилган эди.
Изоҳлар (0)
Ҳозирча изоҳлар йўқ