Эмре Жан: Роналду билан бирга ўйнаш ажойиб бўлар эди

“Ювентус” клубининг янги аъзоси Эмре Жан Туринда Криштиану Роналду билан бирга ўйнашдан бахтиёр бўлишини айтиб ўтди.

“Ювентус” Роналду билан музокаралар олиб боряптими буни билмайман, мен фақат ўзим ҳақимда ўйлаяпман. Лекин, Криштианудек футболчи билан бирга ўйнаш ажойиб бўлар эди.

Бизнинг янги мавсумдаги мақсадимиз нима? А Серия ва Чемпионлар лигасида ғолиб чиқиш”, - дейди германиялик футболчи.

Эслатиб ўтамиз, сўнгги пайтларда хориж ОАВларида Роналдунинг “Ювентус”га кўчиб ўтиши борасида турли хабарлар тарқалди.