Биласизми? 2010-2011 йилги мавсумдан буён илк марта 2та голланд клуби ЕЧЛ гуруҳ босқичида ўйнайдиган бўлди

Чемпионлар лигаси сўнгги саралаш босқичи плей-оффидан муваффақиятли ўтган  Голландиянинг икки клуби - "Аякс" ва ПСВ мусобақанинг гуруҳ босқичи йўлланмасини қўлга киритишди.

Opta нашри тарқатган хабарга кўра 8 йиллик танаффусдан сўнг яна ЕЧЛда Голландиядан 2та жамоа гуруҳ босқичида иштирок этадиган бўлди. Гап шундаки, сўнгги бор бундай ҳодиса 2010/11 йилги мавсумда содир бўлган эди. Ўшанда лолалар юрти шарафини "Аякс" ва "Твенте" клублари ҳимоя қилишган.

Эслатиб ўтамиз, бугун Тошкент вақти билан соат 21:00да Монакода Чемпионлар лигаси гуруҳ босқичига қуръа ташлаш маросими бўлиб ўтади.