"Атлетико"нинг асосий ҳимоячиси жароҳат олди

Мадриднинг “Атлетико” клуби ҳимоячиси Диего Годин кеча Ла Лиганинг 12-туридан ўрин олган “Атлетик”га (3:2) қарши баҳсда жароҳат олди.

Клуб расмий сайти тарқатган хабарга кўра 32 ёшли уругвайлик футболчининг чап оёқ сон мушаклари жароҳатланган. Тез орада у тиббий текширувлардан ўтказилади ва шундан сўнг унинг қачон сафга қайтиши маълум бўлади.

Таъкидлаш керакки, Годин шу куни қўшимча вақтларда гол киритиб жамоасига муҳим ғалабани тақдим этди.