Винисиус ва Мбаппе "Реал"га 3 очко тақдим этди

Ла Лиганинг 8-тури доирасида "Реал Мадрид" ўз уйида "Вильярреал"ни қабул қилди ва учрашув 3:1 ҳисобида мезбонларнинг ғалабаси билан якунланди.

Ушбу баҳсда қироллик клуби футболчиси Винисиус 47-дақиқада ўйиндан ва 69-дақиқада пенальтидан гол урди ҳамда дубльни расмийлаштирди.

Меҳмонлар сафидаги Микаутадзе 73-дақиқада ҳисобни қисқартиришга муваффақ бўлди. Асосий вақт якунланишига 9 дақиқа қолганда Мбаппе рақиб дарвозасини ишғол этди ва ўйинга нуқта қўйди.

Шу тариқа, Хаби Алонсо шогирдларининг чемпионатда тўплаган очколари сони 21 тага етди.