Рэшфорд МЮнинг муваффақиятига ишонмаяпти

"Манчестер Юнайтед" ҳужумчиси Маркус Рэшфорд клубга қайтмоқчи эмас, чунки у клуб муваффақиятига ишонмаяпти. 28 ёшли футболчи "Барселона"га доимий ўтишни талаб қилмоқда. Рэшфорднинг фикрича, унинг Каталонияда соврин ютиш имконияти "Манчестер Юнайтед"га қараганда анча юқори. Бу ҳақда The Touchline X ижтимоий тармоғида хабар берди.

Рэшфорд якуний қарорни "Барселона" фойдасига қабул қилди ва айнан ўша ерда ўз салоҳиятини рўёбга чиқаришига ишонишини таъкидлади. Ҳужумчи, шунингдек, "Барселона" бош мураббийи Ханс-Дитер Флик билан ишончли муносабатлар ўрнатган ва у футболчининг кейинги босқичга чиқишига ёрдам бера олишига ишонмоқда.

Рэшфорднинг "Барселона"даги ижараси шу ёзда якунланади, аммо клуб уни сақлаб қолиш учун барча имкониятларни кўриб чиқмоқда. Жорий мавсумда футболчи каталонияликлар сафида 32 та ўйинда майдонга тушиб, 10 та гол урди ва 12 та голли узатмани амалга оширди. Transfermarkt маълумотларига кўра, унинг трансфер нархи 40 млн еврони ташкил этади.