“Yuventus”ni taxtdan ag‘daradigan jamoa bor ekan

“Atalanta” bosh murabbiyi Jan Pero Gasperini A Seriya g‘olibi “Yuventus”ni faqatgina “Inter” to‘xta olishini ta’kidladi.

- “Inter”ga qarshi uchrashuvdan keyin, Antonio Konte bilan do‘stona muloqot qildik. Men hamkasblarimdan kamdan-kam yaxshi gap eshitaman. Konte joriy mavsumda “Inter”da ulkan ishlarni amalga oshirdi. “Inter”- chempionlikni hech kim bermay kelayotgan “Yuventus”ni taxtdan ag‘dara oladigan yagona jamoa, - dedi Gasperini.

Joriy mavsumda “Inter” ketma-ket to‘qqizinchi chempionligini nishonlagan “Yuventus”dan bir ochko ortda qolib ketdi. “Atalanta” musobaqani kuchli uchlikda yakunladi.