Yunon-rim kurashi. Xalmaxanov - Jahon chempioni, Ro‘ziohunovda kumush

Italiyaning Rim shahrida sport kurashlari bo‘yicha U17 Jahon chempionati davom etmoqda.

Kecha yunon-rim kurashi bo‘yicha O‘zbekiston terma jamoasi a’zosi Aytjan Xalmaxanov Jahon chempionligini qo‘lga kiritdi. Mahoratli vakilimiz final bahsida eronlik Muhammadrizo G‘ulomini mag‘lubiyatga uchratdi.

Yana bir sportchimiz Shahzod Ro‘ziohunov esa shohsupaning ikkinchi pog‘onasidan o‘rin egalladi.

Final!
-45 kg: Shahzod Ro‘ziohunov – Evgen Pokovba (Ukraina) 0:9
-51 kg: Aytjan Xalmaxanov – Muhammadrizo G‘ulomi (Eron) 5:0.

G‘alabalar bardavom bo‘lsin!