Ulug‘bek Baqoev: "Bugun bizning kunimiz emas ekan"

"Qo‘qon-1912" - "Buxoro" (1:0) o‘rtasidagi o‘yindan so‘ng mehmonlar bosh murabbiyi Ulug‘bek Baqoev matbuot anjumanida ishtirok etdi. 

- Birinchi bo‘limda bizda hech narsa o‘xshamadi. Yomon o‘ynab yutqazish mumkin, lekin bundan farqli. Ikkinchi bo‘limda hujumkorlikka intildik. Biroq bugun bizning kunimiz emas ekan. "Qo‘qon-1912" jamoasini g‘alaba bilan tabriklayman. Hohish, ishtiyoq ularda yuqoriroqdek ko‘rindi.

- Birinchi bo‘limning o‘zida ikkita almashtirishni amalga oshirdingiz. Bu asosiy tarkibni tanlashdagi xatolik bilan bog‘liqmi?

- Birinchi bo‘limda raqib ko‘proq urg‘u berayotgan va xatolar kuzatilayotgan chiziqlarda o‘zgarishlar qildik. Bu o‘zgarishlar ikkinchi bo‘limni ham ko‘zlab amalga oshirildi.

- Ko‘p vaziyatlarda hakamlikdan norozi ekandek ko‘rindingiz ...

- Yo‘q, bu o‘yin emotsiyalari bilan bog‘liq. Menda hakamlik yuzasidan e’tiroz yo‘q.