Sport kurashlari. Terma jamoamiz jahon chempionatidagi ishtirokini yakunladi

Sport kurashlari bo‘yicha O‘zbekiston terma jamoasi Serbiyada bo‘lib o‘tgan jahon chempionatidagi ishtirokini yakunladi. Unda sportchilarimiz 1 ta kumush va 1 ta bronza medalini qo‘lga kiritishdi.

Jumladan, yunon-rum kurashida Jalgasbay Berdimuroatov (-82 kg) kumush, Jasurbek Ortiqboev (-55 kg) esa bronza medaliga sazovor bo‘ldi. Umumjamoa hisobida “klassik” kurashchilarimiz sakkizinchi pog‘onadan joy olishdi. Afsuski, erkin kurash va ayollar kurashi dasturlarida sportchilarimiz shohsupaga ko‘tarila olishmadi.