Ronalduni maqtashdi

“Everton” hujumchisi Moyze Kin “Yuventus”da o‘zi birga o‘ynagan Krishtianu Ronalduni maqtadi.

- Ronalduning ajoyib futbolchi ekani hammaga ma’lum. Lekin u inson sifatida ham juda yaxshi. U menga “Yuventus”da ko‘p yordam bergan, - dedi Moyze Kin.

Shuningdek, 20 yoshi hujumchi o‘ziga qarshi o‘ynagan eng kuchli futbolchilarni ham e’tirof etdi.

- Meni o‘yinda Neymar ancha qiynagan. Di Mariya ham. Ularga qarshi “Yuventus” tarkibida PSJ bilan bo‘lgan uchrashuvda to‘p surganman. Har ikkisi fantastik futbolchi, - dedi yosh hujumchi.

Yakunlangan mavsumda Kin “Everton” safida 29 ta o‘yinda ishtirok etdi.