Rojer Federerning "Rolan Garros"dagi debyutiga 21 yil bo‘ldi

Rojer Federer "Katta dubulg‘a" turkumidagi musobaqada debyut qilganiga bugun 21 yil bo‘ldi. Aniqrog‘i, u 1999 yilning 25 may kuni "Rolan Garros" turniri tashkilotchilari tomonidan berilgan "wild card" orqali chempionatning ilk davrasida ishtirok etgan.

Ushbu bosqichda reyting jadvalida 111 pog‘onada borayotgan Rojer o‘sha paytda dunyoning uchinchi raqamli tennischisi hisoblangan Patrik Rafterga qarshi kortga tushib, yakunda 7:5, 3:6, 0:6, 2:6 hisobi taslim bo‘lgan.

Ilk turnirda mag‘lub bo‘lgan, R.Federer hisobida bugungi kunda 362ta g‘alabali o‘yin hamda 20ta "Katta dubulg‘a" sovrinlari mavjud.