PSJ besh nafar yulduz masalasini hal qilayapti
- 17-апрел, 14:30
- Zohir Toshxo’jayev
- 0
- Futbol
УЕФА Чемпионлар лигаси ва Франция чемпионатининг амалдаги ғолиби “Пари Сен-Жермен” раҳбарияти кадрлар масаласида муҳим қадам ташлади.
Парижликлар бир нечта футболчилар билан шартномаларни узайтиришга яқин турибди. Бу ҳақда инсайдер Фабрис Хоукинс маълум қилди.
Унинг сўзларига кўра, Фабиан Руис бир йиллик янги шартнома имзолаган ва томонлар ўзаро келишган ҳолда ҳамкорликни яна бир мавсумга узайтириши мумкин.
Лукас Бералдо эса, 2030 йилгача Париж суперклубида қолишга кўнган ва томонлар янги шартнома тузиш арафасида турибди.
“Олтин тўп” соҳиби Усмон Дембеле, ярим ҳимоячи Санни Маюлу ва ҳужумчи Брэдли Баркола билан музокаралар ҳали ҳам давом этмоқда.
Айни пайтда ПСЖ Франция Лига 1 жадвалида 27 ўйиндан кейин 63 очко билан биринчи ўринда бормоқда ва иккинчи ўриндаги “Ланс”дан битта кам ўйин ўтказган ҳолда тўрт очко устунликка эга.
Чемпионлар лигасида эса парижликлар ярим финалга чиқиб, “Бавария”га қарши баҳс олиб боради.