Professional bokschilarimiz maktab o‘quvchilari bilan uchrashishdi

Hozirda yoshlar o‘rtasida jinoyatchilikka barham berish, sog‘lom turmush tarzini targ‘ib qilish borasida hukumat tashkilotlari, maktab va mahallalarda bir qator ishlar amalga oshirilmoqda. Bu borada sportchilar bilan uchrashuvlar, o‘ziga hos tadbirlar o‘tkazilish yo‘lga qo‘yildi. Kuni kecha, ushbu mavzu yuzasidan Toshkent shahri Uchtepa tumani prokuraturasi tomonidan, mazkur tumanning 148 maktab o‘quvchilari bilan professional boksda g‘alabali yurishini davom ettirayotgan charmqo‘lqop ustalari va murabbiylar bilan uchrashuv tashkil qilindi.

Ushbu tadbirda tajribali murabbiy Zufar Sulaymonov, WBC yo‘nalishining Sharqiy Evropa va MDH davlatlari chempionlik kamari sohibi Jamshidbek Najmiddinov hamda xalqaro chempionlik kamari egasi ravshan Maxammatjonovlar ishtirok etdi.

 Ular yoshlar tomonidan berilgan ko‘plab savollarga javob berish barobarida turli xil yomon illatlarning salbiy oqibatlari va sport bilan hamnafas bo‘lishning ijobiy jihatlari borasida ko‘plab misollar keltirishdi.
Xullas, ushbu tadbir barchada iliq taassurot qoldirdi.