Para shaxmat: Axadxon Kimsanboev Osiyo chempionligini qo‘lga kiritdi

Joriy yilning 24-26 iyun kunlari, Tornelo onlayn platformasida 20 yoshgacha bo‘lgan jismoniy imkoniyatlari cheklangan va nogironligi bo‘lgan shaxmatchilar o‘rtasida bo‘lib o‘tgan Osiyo chempionatida para shaxmat bo‘yicha O‘zbekiston terma jamoa a’zosi Axadxon Kimsanboev munosib ishtirok etdi.

Qit’amizning 9 ta davlatidan eng kuchli para shaxmatchilar qatnashgan ushbu nufuzli musobakada sportchimiz Axadxon Kimsanboev 7 turda 7 ta g‘alaba qayd etdi va Osiyo chempionligini qo‘lga kiritdi.

Matonatli sportchimiz O‘zbekiston Milliy paralimpiya qo‘mitasi viloyat bo‘limi va viloyat Sportni rivojlantirish Bosh boshkarmasi tomonidan munosib taqdirlandi.