O‘zbekiston U-20 terma jamoasi Janubiy Koreya bilan murosa ko‘chasini tanladi

Biroz avval O‘zbekiston U-20 terma jamoasining Janubiy Koreya bilan o‘yini yakuniga etdi. Unda vakillarimiz 1:1 hisobida durangga imzo chekdi.

Hamyurtlarimiz safida yagona golga Po‘latxo‘ja Xoldorxonov mualliflik qildi. Mehmonlarning goli Zafar Hakimov (avtogol) nomiga qayd etildi.

Eslatib o‘tamiz, yurtdoshlarimiz 8 noyabr kuni yana shu raqibga qarshi bahs olib boradi.