Odil Ahmedovning do‘sti Angliyadan taklif oldi (foto)

O‘zbekiston milliy terma jamoasi sardori Odil Ahmedov bilan “Shanxay SIPG” tarkibida Xitoy chempioni bo‘lgan Xalk yangi takliflarni o‘rganib chiqmoqda.

Braziliyalik hujumchi “Shanxay SIPG”dagi faoliyatini yakunlaganini e’lon qilganidan keyin uni turli mamlakatlar jamoalari o‘z tarkibiga chorlamoqda.

- Men ko‘p joylardan taklif olyapman. Angliyadan aniq chorlov bo‘lyapti. Shuningdek, Braziliya varianti ham bor. Xitoyliklarning yana bir klubi meni o‘z safida ko‘rmoqchi. Turkiya, Portugaliya, Ispaniya, Germaniya va Italiya chempionatlaridan ham qiziqish bo‘layotganini aytishim kerak, - dedi Xalk.

Xalk va Odil Ahmedov Xitoy chempionatiga ko‘chib o‘tgunicha Rossiya premer-ligasida ham bir davrda to‘p surgan.