“Navbahor”dan ketganidan beri ishsiz yurgan murabbiy Rossiyani keskin tanqid qildi

“Navbahor”dan iste’foga chiqarilganidan beri o‘ziga yangi jamoa topa olmayotgan Andrey Kanchelskis Rossiya terma jamoasining Evropa chempionatidagi o‘yinini keskin tanqid qildi. Rossiyalik debyut uchrashuvida Belgiyadan 0:3 hisobida qaqshatqich mag‘lubiyatga uchradi.

- Bu bahsda bitta jamoa o‘ynadi. Belgiya hech qanday qiyinchiliksiz zafar quchdi. Biz yig‘inlarni nimani mashq qilganimiz tushunarsiz. O‘rtacha terma jamoalarni yutamiz xolos, nimani evaziga guruhdan chiqishimizni bilmayman. San-Marino va Kiprga qarshi o‘yinimizni ko‘rsata olamiz, Belgiya bilan o‘yinda esa saviya yo‘qolib qoladi.

 Aslida futbolimizda katta muammo bor: futbolni o‘ldirib bo‘lishgan, - dedi Andrey Kanchelskis.

Rossiya terma jamoasi ikkinchi uchrashuvni Sankt-Peterburgda Finlyandiyaga qarshi o‘tkazadi. Uchrashuv 16 iyunga belgilangan. Finlyandiyaliklar birinchi bahsda Daniyani kichik hisobda engdi.