"Navbahor" Belarus klubini mag‘lub etdi

Xabaringiz bor, "Navbahor" a’zolari ayni paytda Belarus poytaxti Minskda o‘quv-mashg‘ulot yig‘inini o‘tkazishmoqda.

Sergey Lushchan shogirdlari mazkur yig‘in doirasida bugun navbatdagi xalqaro o‘rtoqlik o‘yini o‘tkazishdi. “Lochinlar”ga bu safargi bahsda “Smorgon” (Smorgon) jamoasi sparring - raqib bo‘ldi. 

Ta’kidlash joizki, ushbu uchrashuvda “Navbahor” ustozi Sergey Lushchan har ikki bo‘limda ikki xil tarkib bilan harakat qilishini lozim topdi. Birinchi bo‘limda bahs nursiz durang – 0:0 hisobida yakunlangan bo‘lsa, yakunda namanganliklar 1:0 hisobida g‘alaba qozonishdi.

Uchrashuvdagi yagona gol jamoa sardori Azimjon Ahmedov tomonidan uchrashuvning ikkinchi bo‘limida penaltidan kiritildi.
"Navbahor" bugungi o‘yinni quyidagicha tarkibda o‘tkazdi.

Birinchi bo‘lim: Umidjon Ergashev, Igor Gabriel, Mirzohid G‘ofurov, Julio Chezar, Muhammadbobur Mo‘ydinov, Shohmalik Komilov, Javohir Abdujabborov, Abbosjon G‘ulomov, Muhammadali G‘iyosov, Navro‘zbek Iminjanov, Zabihillo O‘rinboev. 

Ikkinchi bo‘lim: Shukron Yo‘ldoshev, Azimjon Ahmedov, Gilermo Gedesh, Saidazamat Mirsaidov, Dostonbek Abdulxaev, Sherzod G‘ulomjonov, Ruslanbek Jiyanov, Komil Tojiddinov, Jamshid Boltaboev, Muxsin Xabibullaev, Pedro.