“Messini “Barsa”da hurmat qilishmaydi!”

“Barselona”dan “yuventus”ga transfer qilingan Artur Melo sobiq jamoadoshi Lionel Messi va Kataloniyadagi vaziyat haqida gapirdi.

- Lionel Messi bolaligidan “Barselona”da, butun faoliyatini shu erda o‘tkazdi, uning klubdan ketmoqchiligini to‘g‘ri tushunaman. Lekin meni klub rahbariyatining Messiga hurmatsizlik qilgani hayratga soladi, - dedi Artur.

Ma’lumki, Messi yozda jamoani tark etishga harakat qilgandi. Biroq, klub rahbariyati uni majburan olib qoldi. Argentinalik hujumchining shartnomasi yozda yakuniga etadi. Hali yangi bitim bo‘yicha hech qanday yangilik bo‘lgani yo‘q.