Messi 105 ta klubni tiz cho‘ktirgan!

“Inter Mayami” safiga ko‘chib o‘tgan Lionel Messi ummonortida ham to‘purarlik mahoratini namoyish qilib kelmoqda.

AQSh va Meksika jamoalari ishtirokidagi Ligalar kubogi musobaqasida ettita o‘yinda maydonga tushgan argentinalik yulduz har bir uchrashuvda to‘p kiritib, o‘nta gol bilan turnir to‘purari bo‘ldi.

Finaldagi raqib – “Neshvill”  Messidan gol o‘tkazgan dunyoning 105-jamoasi sifatida qayd etildi. Leo umumiy hisobda 120 ta jamoaga qarshi o‘ynagan va ulardan atigi 15 tasining darvozasiga yo‘l topa olmagan xolos.

Bundan tashqari, 36 yoshli hujumchi 120 ta jamoadan 116 tasiga qarshi o‘yinlarda samarali harakatlarni amalga oshirgani qayd etildi.