"Manchester Siti" "Barselona"ning yosh futbolchisini o‘z safiga qo‘shib olmoqchi

Kataloniyaning "Barselona" klubi futbolchisi Gavi faoliyatini Angliya premer-ligasining top-klubida davom ettirish imkoniyatiga ega.

"Goal" nashri xabariga ko‘ra, "Manchester Siti" istiqbolli futbolchi transferini amlaga oshirmoqchi. Gavi uchun bahsda "shaharliklar"ga yana bir ingliz grandi – "Liverpul" raqiblik qiladi.

"Transfermarkt" portali ispaniyalik xavbekni 90 million evroga baholamoqda. Yarim himoyachining "ko‘k-anorranglilar" bilan amaldagi mehnat shartnomasi 2026 yilning yoziga qadar amal qilami.

Ma’lumot uchun, 18 yoshli vunderkind joriy mavsum La Ligada 24 ta o‘yinda maydonga tushib, bitta gol urdi va ikkita samaralm uzatmani amalga oshirdi.