Italiyada 5 nafar bokschimiz Parij Olimpiadasiga yo‘llanmani qo‘lga kiritdi!

Italiyadagi litsenzion turnir yakunlandi. 3-11 mart kunlari Italiyaning Busto-Arsitsio shahrida Parij-2024 Olimpiya o‘yinlari uchun yo‘llanma beruvchi 1-jahon kvalifikatsion turniri bo‘lib o‘tdi.

Unda erkaklar va ayollar milliy terma jamoamiz ham 9 nafar bokschi bilan ishtirok etishdi. Olimpiyada yo‘llanmasi uchun bo‘lib o‘tgan bahslar yakuniga ko‘ra, erkaklar terma jamoamiz o‘zlari ishtirok etgan barcha vaznda yo‘llanmaga ega chiqishgan bo‘lsa, ayollarimizdan bir nafar vakilamiz Parij-2024 olimpiyadasiga yo‘llanmani naqd qildi.

Parij chiptasini qo‘lga kiritgan bokschilarimiz bilan tanishing:

-50 kg: Sabina Boboqulova

-63,5 kg: Ruslan Abdullaev

-71 kg: Asadxo‘ja Mo‘ydinxo‘jaev

-80 kg: To‘rabek Habibullaev

-92 kg: Lazizbek Mullojonov

Erkaklar terma jamoamiz to‘liq tarkibda, 7 ta vaznda ham Parij-2024 yo‘llanmasiga ega chiqishgan, ayollarimizda esa 4 ta vaznda halicha yo‘llanma qo‘lga kiritilmadi va endilikda ular Tailandda bo‘lib o‘tadigan litsenzion turnirda ishtirok etadilar.

O‘zbekiston boks federatsiyasi matbuot xizmati