Ikki futbolchi “Chelsi”dan qochmoqchi

“Chelsi” bilan amaldagi shartnomasi yakunlanib borayotgan ikki tajribali futbolchi – Markos Alonso va Sesar Aspilikueta o‘z agentlariga yangi jamoa topish bo‘yicha topshiriq berdi.

Bu o‘yinchilar “aristokratlar” bilan yangi shartnoma tuzishni istamayapti.

Har ikki himoyachi Ispaniya terma jamoasi a’zosi hisoblanadi va yozda Qatarda bo‘ladigan jahon chempionatida ishtirok etishni istayapti. Buning uchun ular muntazam o‘yin amaliyotiga ega bo‘lishi kerak.

Tomas Tuxel tajribali himoyachilarni har doim ham maydonga tushirmayapti. Ular joriy mavsumda atigi o‘ntadan uchrashuvda ishtirok etdi.