Here we go! Morata "Galatasaroy" futbolchisi

Mavsum boshida "Milan"ga ko‘chib o‘tgan Alvaro Morata Turkiya chempionatiga yo‘l olmoqda. 

Fabritsio Romano xabar berishicha, "Galatasaroy" va "Milan" kelishuvga erishdi. Hujumchi Istanbul klubida bir yillik ijara asosida o‘ynaydi. Shartnomada shuningdek sotib olish bandi ham bo‘ladi. Ispaniyalik futbolchi tez orada Turkiyaga etib keladi va tibbiy ko‘rikdan o‘tadi. 

Morata faoliyati davomida "Real", "Yuventus", "Chelsi", "Atletiko" va "Milan" jamoalari sharafini himoya qildi. U 600 dan ortiq uchrashuvda ishtirok etib, 222 ta gol urishga muvaffaq bo‘ldi.