FAKT! “Qo‘qon-1912” chempionat bahslarida “Lokomotiv”ni biror marta ham mag‘lub eta olmagan

Superligasi 7-tur doirasidan o‘rin olgan “Lokomotiv” - “Qo‘qon-1912” uchrashuvi ertaga Toshkent shahrida bo‘lib o‘tadi. Bahs oldidan "Qo‘qon-1912" klubi matbuot xizmati ushbu jamoalarning o‘zaro o‘yinlardagi statistik ma’lumotlarni taqdim etdi. 

O‘zaro o‘yinlar

Ushbu jamoalar shu paytga qadar chempionat doirasida 8 marta to‘qnash kelishgan. “Lokomotiv” o‘yinlarning 5 tasida zafar quchgan, 3 ta bahsda durang qayd etilgan.

To‘plar farqi – 17-6, “Loko” foydasiga. O‘zaro o‘yinlarda “temiryo‘lchilar” 18 ochkoni qo‘lga kiritishgan. “Qo‘qon-1912”ning ochkosi 3 tani tashkil etadi.

Jamoalarning o‘zaro o‘tkazgan barcha uchrashuvlari:

09.07.2018 “Qo‘qon-1912” – “Lokomotiv” 1:2

07.04.2018 “Lokomotiv” – “Qo‘qon-1912” 1:1

25.10.2017 “Lokomotiv” – “Qo‘qon-1912” 3:0

17.05.2017 “Qo‘qon-1912” – “Lokomotiv” 1:1

14.10.2016 “Lokomotiv” – “Qo‘qon-1912” 4:0

30.05.2016 “Qo‘qon-1912” – “Lokomotiv” 1:3

16.10.2015 “Qo‘qon -1912” – “Lokomotiv” 2:2

24.05.2015 “Lokomotiv” – “Qo‘qon-1912” 1:0

Boshlanish vaqtlari

“Lokomotiv” - "Qo‘qon-1912" uchrashuvi, ertaga Toshkent shahridagi “Lokomtiv” stadionida soat 18:30da start oladi. Bugun esa ushbu jamoalarning o‘rinbosarlari U-21 birinchiligi 7-turida maydonga tushishadi. Mazkur o‘yin "Do‘stlik" stadionida soat 16:30da boshlanadi.