Evropa chempionatining barcha ishtirokchilari aniqlandi. "O‘lim guruhi" qaysi?

Evropa chempionatining saralash turniri o‘z nihoyasiga etdi. Saralash bosqichining so‘nggi to‘rt yo‘llanmasi Vengriya, Shimoliy Makedoniya, Slovakiya va Shotlandiya terma jamoalariga nasib qildi.

“Evro-2020” guruhlari quyidagicha ko‘rinish oldi:

A guruhi. Italiya, Turkiya, Uels, Shveytsariya

V guruhi. Belgiya, Rossiya, Daniya, Finlyandiya

S guruhi. Ukraina, Niderlandiya, Avstriya, Shimoliy Makedoniya

D guruhi. Angliya, Xorvatiya, Chexiya, Shotlandiya

E guruhi. Ispaniya, Shvetsiya, Polsha, Slovakiya

F guruhi. Germaniya, Portugaliya, Frantsiya, Vengriya

Aslida Evropa chempionati 2020 yilning yozida qit’aning 12 ta shahrida bo‘lib o‘tishi kerak edi. Biroq koronavirus pandemiyasi tufayli musobaqa keyingi yilga qoldirildi.  UEFA turnir mezbonlari va muddatlariga qo‘shimcha aniqlik kiritadi.