Eriksen MYuda qaysi raqam ostida o‘ynashi ma’lum bo‘ldi (foto)

Xabaringiz bor, "Manchester Yunayted" daniyalik yarim himoyachi Kristian Eriksenni sotib olgandi. Bugun futbolchi "qizil iblislar" safida qaysi raqam ostida to‘p tepishi ma’lum bo‘ldi. 

Ma’lumotlarga ko‘ra, Eriksen 14-raqamli libosda harakatlanadi. Avval bu raqam "Nottingem Forest"ga o‘tib ketgan Jessi Lingardga tegishli edi. 

Eriksen "Tottenxem"da 23, "Brentford"da esa 21-raqamli formada o‘ynagan. Hozir Manchester klubida bu raqam Lyuk Shouga tegishli. 

Ma’lumot o‘rnida, daniyalik iqtidor egasining transferi "Manchester Yunayted" uchun tekinga tushgan.