"Dinamo" "Lokomotiv" (Moskva)ga yirik hisobda yutqazdi

Oldin xabar berganimizdek, bugun Dubayda "Dinamo" klubi Moskvaning "Lokomotiv" jamoasiga qarshi o‘rtoqlik uchrashuvini o‘tkazdi.

Rossiyaning nomdor klubi o‘yinda har tomonlama ustunlik qildi va bu natijada ham o‘z so‘zini aytdi. "Dinamo" raqibiga 1:6 hisobida yutqazdi. Samarqandliklardan yagona golni jamoa sardori Marko Stanoevich penaltidan kiritdi.

"Dinamo"ning boshlang‘ich tarkibi: Ravshanbek Yagudin, Jahongir O‘rozov, Oleksandr Kucherenko, Salim Mustafoev, Ulug‘bek Abdullaev, Sanjar Qodirqulov, Maykon, Ratino, Marko Stanoevich, Anvarjon Xojimirzaev, Mirjahon Mirahmadov.