Devid Benavidesning keyingi raqibi ma’lum !

21 dekabr kuni Vashingtonda "Premier Boxing Champions" turniri o‘tkazilishi rejalashtirilgan. Mazkur boks oqshomida yarim og‘ir vaznda vaqtinchalik WBC chempioni Devid Benavides Jessi Xartga qarshi kurash olib boradi. Kechaning asosiy jangi esa Jervonta Devis va Lamont Rouch o‘rtasida bo‘lib, ular engil vaznda WBA chempionligi uchun ringga chiqishadi.

Ammo mazkur musobaqa boshqa sanaga ko‘chirilishi ham mumkin. Chunki 21 dekabrda Tayson Fyuri va Aleksandr Usik revansh jangini o‘tkazadi.

Ma’lumot uchun, Devid Benavides so‘nggi jangida Aleksandr Gvozdikni ochkolar evaziga (117-111; 116-112; 119-109) mag‘lub etgandi.