Dalich: "Bu haqiqiy Messi"

Argentina Xorvatiyani 3:0 hisobida mag‘lub qilib, final yo‘llanmasini qo‘lga kiritdi. Uchrashuvdan so‘ng Zlatko Dalich Messi haqida o‘z fikrlari bilan o‘rtoqlashdi.

"Messi haqida ko‘p gapirishni hojati yo‘q. Dunyoning eng xavfli hujumchisi va bugungi kunda ham juda ajoyib futbolchi. Bu haqiqiy biz ko‘rishni xohlagan Messi", - dedi 56 yoshli mutaxassis.

Argentina oxirgi marta 2014 yilgi mundialda finalga chiqqandi. O‘shanda Germaniya ularni kubokdan mahrum qilgan. Endi esa ular Frantsiya yoki Marokash bilan finalda uchrashadi.