"Bavariya" Ashraf Xakimini sotib ololmaydi. Chunki...

Mavsumni “Borussiya” Dortmund safida ijarada o‘tkazayotgan “Real” himoyachisi Ashraf Xakimi “Bavariya”ga o‘tmaydi. Bu haqda Kicker nashri xabar tarqatmoqda.

Yuqoridagi manbaaga ko‘ra myunxenliklar 21 yoshli marokashlik futbolchining transferi masalasida taklif bilan chiqishgan. Biroq, ularda Ashrafni sotib olish imkoni deyarli yo‘q. Chunki, “Real” Xakimining ijara muddati yakunlanishi bilan, ya’ni yozda uni ortga qaytarmoqchi.

Ma’lumot uchun, Xakimi joriy mavsum Bundesligada 17 ta o‘yinda maydonga tushdi va 2 ta gol hamda 8 ta golli uzatmaga mualliflik qildi.