"Barselona" muxlislari uchun xushxabar

"Barselona" himoyachi Markos Alonso bilan shartnoma uzaytirilganini rasman e’lon qildi. Imzolangan yangi mehnat shartnomasi 2023/2024 yilgi mavsum oxirigacha amal qiladi. Qayd etilishicha, ispaniyalik himoyachining tovon puli 50 million etib belgilandi.

Alonso o‘tgan yilning dekabr oyida 32 yoshga to‘ldi. U "Barselona"da 2022 yiling sentyabridan buyon to‘p tepmoqda. Himoyachi Kataloniya klubi safida 19 ta o‘yin o‘tkazib, 2 ta gol urishga muvaffaq bo‘ldi.

Eslatib o‘tamiz, "Barselona" ayni damda La Liga turnir jadvalida peshqadamlik qilmoqda. Xavi shogirdlari navbatdagi o‘yinni 28 yanvar kuni "Jirona"ga qarshi o‘tkazadi.