"Barsa" Pedri borasida kutilmagan qarorga keldi

"Barselona" yozda qimmat futbolchilaridan biri bilan xayrlashishga tayyor. "Radio Marca" nashri xabariga ko‘ra, "ko‘k-anorranglilar" yarim himoyachi Pedrining transferi bo‘yicha takliflarni ko‘rib chiqishga tayyor.

Shu munosabat bilan Kataloniya klubi rahbarlari ispaniyalik xavbek bilan yangi mehnat shartnomasi bo‘yicha muzokaralarni to‘xtatdi. Pedrining amaldagi shartnomasi 2026 yilgacha mo‘ljallangan. Joriy mavsumda u 29 ta o‘yin o‘tkazib, 2 ta gol urdi va 5 ta golli uzatmani amalga oshirdi. "Transfermarkt" portali 21 yoshli futbolchini 80 million evroga baholamoqda.

Avvalroq matbuotda iqtidorli yarim himoyachiga "Manchester Siti" va PSJ klublaridan qiziqish bildirilgani haqida xabar berilgan edi.