Alba "Barselona"dan ketishi borasidagi xabarlarga o‘z munosabatini bildirdi

Qanot himoyachisi Xordi Alba "Barselona"dan ketishi mumkinligi haqidagi mish-mishlarga munosabat bildirdi.

Aytish kerakki, yaqinda OAVda 32 yoshli futbolchiga "Atletiko"dan qiziqish borligi haqida turli xabarlar tarqaldi.

“Men “Barselona”da shartnomam tugagunicha o‘ynash niyatidaman. Faoliyatim oxiriga qadar ushbu klubda qolishni istayman", -  dedi Alba.

Albaning “ko‘k-anor ranglilar” bilan amaldagi shartnomasi 2024 yilning yozigacha imzolangan. U “Barsa” safida 2012 yildan buyon to‘p surib kelmoqda.

Xordi Alba ortda qolgan 2020/2021 yilgi mavsumda Ispaniya chempionatida 35 ta o‘yinda ishtirok etdi va o‘z hisobiga 3 ta gol hamda 5 ta golli uzatma yozdirib qo‘ydi.