Yakkakurashchimiz Zarruh Adashev Nyu-Yorkda ringga chiqadi

Aralash yakkakurash janglari ustasi hamyurtimiz Zarruh Adashev bugun, 1 dekabr kuni Nyu-York shahridagi “Medison Square Garden” arenasida “GLORY 48” turnirining andekard jangida ringga ko‘tariladi.

Kikboksing bo‘yicha tashkil etiayotgan mazkur to‘qnashuvda unga kiprlik Stavros Grigoriou raqiblik qiladi.

Zarruh Adashev kikboksing bo‘yicha ikki karra jahon chempioni, qo‘l janggi bo‘yicha Osiyo chempioni, xalqaro turnirlar g‘olibi va qo‘l jangi bo‘yicha ko‘p karra O‘zbekiston chempioni hisoblanadi.

Eslatib o‘tamiz, asosiy janglarning birida Anvar Boynazarov amerikalik Kevin van Nostrand (4-1-0, KO2) bilan “GLORY” chempionlik kamari uchun ringga chiqadi.