"Tottenxem" etakchilaridan biri "Chelsi"ga qarshi London derbisini o‘tkazib yuboradi

Londonning “Tottenxem” klubi forvardi Lukas Moura sog‘ligi bilan yuzaga kelgan muammo sabab Angliya liga kubogi doirasida “Chelsi”ga qarshi bo‘lib o‘tadigan o‘yinni o‘tkazib yuboradi.

Braziliyalik futbolchi Angliya kubogining 3-raundi doirasida “Tranmer”ga (7:0) qarshi bahsda tizzasidan jarohat olgan. Shu bois u APL 22-turining “Manchester Yunayted”ga qarshi muhim bahsida ham ishtirok etolmasligi mumkin.

“Shporlar” etakchi futbolchisi Erik Lamela safga qaytganini ham aytib o‘tish lozim.

Eslatib o‘tamiz, “Tottenxem” – “Chelsi” uchrashuvi ertaga, 8 yanvar kuni bo‘lib o‘tadi.