Rasman! Davron Hoshimov "Navbahor" bilan shartnoma imzoladi

Muxlislarga "Paxtakor" va O‘zbekiston milliy terma jamoasidagi ishtiroki orqali yaxshi tanish bo‘lgan mahoratli himoyachi Davron Hoshimov "Navbahor"ga o‘tdi. Bu haqda klub matbuot xizmati xabar bermoqda.

Mavsumlar oralig‘ida "Qo‘qon-1912" jamoasi mashg‘ulotlarida qatnashgan himoyachi bilan bir yillik shartnoma imzolandi. Shu o‘rinda, Hoshimov oldida bir qator variantlar bo‘lganligini aytish joiz. Shunga qaramay Davron "Navbahor" taklifini qabul qildi.