"Milan" Iguain o‘rniga Pentekni olib kelmoqchi

“Milan” vakillari “Jenoa” forvardi Kshishtof Pentekning transferi bo‘yicha muzokaralarni boshlab yuborishdi.

Ma’lumotlarga qaraganda genuyaliklar 23 yoshli Polsha terma jamoasi a’zosini 40 mln evroga baholashmoqda. “Rossonerilar” esa hozircha ularga qanday taklif yuborish haqida o‘ylashmoqda.

Qayd etish lozimki, Pentek “Milan” safida yaqinda “Chelsi”ga o‘tishi aytilayotgan Gonsalu Iguainning o‘rnini egallaydi.

Ma’lumot uchun, Pentek joriy mavsum Italiya A Seriyasida jami 19ta o‘yinda maydonga tushdi va o‘z hisobiga 13ta gol yozdirib qo‘yishga erishdi.