Boateng: “Bavariya”ga eng qiyin qur’a tushdi

“Bavariya” klubi himoyachisi Jerom Boateng Evropa Chempionlar Ligasi yarim final qur’a natijalariga izoh berarkan, ularga qiyin raqib tushganini aytdi. Myunxenliklar yarim finalda “Real”ga qarshi bahs yuritishadi.

“Yarim finalda oson raqibning o‘zi bo‘lmaydi, lekin shunga qaramay “Bavariya”ga eng qiyin qur’a tushdi. Ammo g‘alaba qozonishni istagan klub istalgan raqib bilan o‘ynashi kerak”, – dedi Boateng.

Eslatib o‘tamiz, “Bavariya” va “Real” o‘rtasidagi ilk o‘yin 25 aprel kuni Myunxen shahrida bo‘lib o‘tadi. Javob o‘yini 1 may kuni Madridda o‘tkaziladi.