Belaruslik go‘zalga kim raqib bo‘ldi?

AQShning Nyu-Xeyven shahrida o‘tayotgan "Connecticut Open" turnirining chorak final bahslari yakunlandi.

Sovrin jamg‘armasi 799,000 AQSh dollar bo‘lgan musobaqaning mazkur bosqichida belaruslik Arina Sobolenko shvetsariyalik Belinda Benchichni 6:3, 6:2 hisobida mag‘lubiyatga uchratdi.

Germaniyalik Yuliya Gyorges esa rossiyalik Ekaterina Makarova ustidan 6:4, 6:2 hisobida zafar quchdi va yarim finalga yo‘l oldi.

Endi final yo‘llanmasi uchun Yuliya va Arina o‘zaro raqobatlashadi.