“Yuventus”ga Sarrining ketishi ham muammo tug‘dirmoqda

“Yuventus” bosh murabbiy Mauritsio Sarrini ishdan olinishi klub g‘aznasiga yo‘q joydan 20 million evro zarar keltirdi.

61 yoshli murabbiyning klub bilan shartnomasi 2022 yilgacha tuzilgan va yiliga 5,5 million evro maosh oladi. Agar mazkur bitim tomonlarning o‘zaro kelishuvi bilan bekor qilinmasa, turinliklar Sarri kompensatsiyasiga 11 million, soliqlar bilan qo‘shib hisoblaganda 20,3 million evro xarajat qilishi kerak bo‘ladi.

“Yuventus” xo‘jayinlari jamoa Evropa chempionlar ligasini erta tark etgani va milliy chempionatdagi ko‘rsatkichlar pasayib ketgani bois, Sarrining javobini berib yuborishga qaror qildi.