"Ювентус" Йилдиз учун АПЛнинг гранд клуби томонидан тушган таклифни рад этди

"Ювентус" 20 ёшли турк вингери Кенан Йилдизни сотиш бўйича "Челси"дан тушган таклифни рад этди. Бу ҳақда "La Gazzetta dello Sport" хабар бермоқда.

Лондон клуби ёш футболчи учун 68 миллион еврогача таклиф қилган, аммо туринликлар уни катта пулга ҳам сотиш ниятида эмаслигини маълум қилди.

"Аристократлар" туркиялик вингер бўйича рад жавобини олган бўлса ҳам Нидерландия терма жамоаси футболчиси ва "Лейпциг" етакчиси Хави Симонс бўйича шахсий келишувга эришгани айтилмоқда.

Яқин вақт ичида "Ювентус" Йилдизга янги шартнома таклиф қилиши кутилмоқда. Янги келишувга кўра, унинг маоши 1,5 миллион евродан 4 миллион еврога оширилади.

Маълумот ўрнида, Кенан ушбу мавсумда 52 та учрашувда иштирок этиб, 12 та гол урди ва 9 та голли узатмани ўз ҳисобига ёздириш қўйишга муваффақ бўлди.