Ёзда эркин агентга айланадиган футболчи "Реал"га ўтишга рози

"Ливерпуль"нинг англиялик ҳимоячиси Трент Александр-Арнолд мавсум якунида клубни тарк этиши кутилмоқда. У ёзда Ла Лигага кўчиб ўтишга рози. Бу ҳақда "Diario Sport" нашри хабар берди.

Футболчига январь ойида бошқа жамоалар билан музокара ўтказишига рухсат берилади. Англиялик ўнг қанот ҳимоячиси "Реал Мадрид" билан шартнома имзолаши мумкин. Агар "мерсисайдликлар" Трентга янги шартнома таклиф қилмаса у клубни эркин агент сифатида тарк этади.

Маълумот учун, Трансфермаркт маълумотларига кўра футболчи 70 млн еврога баҳоланмоқда.