Ёш трамполинчиларимиз жаҳон чемпионатида кумуш ва бронза медалларини қўлга киритишди

10-17-ноябрь кунлари Испаниянинг Памплона шаҳрида трамполин бўйича турли ёш тоифаларидаги жаҳон чемпионати ўтказилди. Унда иштирок этган Ўзбекистон терма жамоаси 2 тадан кумуш ва бронза медалларига сазовор бўлди.

Кумуш медал:
Сардор Муҳаммадиев, Ҳусниддин Раҳмониддинов (батут, жуфтлик, У14)
Сардор Муҳаммадиев (батут, яккалик, У14)

Бронза медал:
Жамшидбек Раҳимов (акробатик йўналиш, яккалик, У12)
Жаҳонгир Баҳодиров, Элшодбек Мамаюсупов (батут, жуфтлик, У11)

Бу ҳақда МОҚ хабар бермоқда.